UNIAN
Kandydat u prezidenty Ukrainy Uładzimir Zialenski ŭ efiry telebačańnia raspavioŭ ab svaim płanie spynieńnia vajny na Danbasie. Pra heta paviedamlaje UNIAN.
Płan Zialenski raźbity na niekalki etapaŭ. «Dla pieršaha etapu — heta spynieńnie ahniu na ŭschodzie. Ja dumaju, my nie možam sabie dazvolić jaki-niebudź doŭhi praces. Bo kožny dzień my pačynajem ranicu z navinaŭ, kolki našych chłopcaŭ zahinuła na ŭschodzie. My razumiejem, što kožny dzień — heta žyćcio, heta čałaviečy los i trahiedyja dla kožnaj čałaviečaj siamji», — zajaviŭ palityk.
Zialenski padkreśliŭ. što dla praciahu mirnych pieramoŭ aficyjny Kijeŭ pavinien adnavić vypłatu sacyjalnych płaciažoŭ žycharam akupavanaha Danbasa. «Nie prosta praciahvać im ruku, nie prosta abiacać, a adnavić hetyja adnosiny. Pačać płacić piensii ludziam. Piensii ludziam, jakija žyvuć tam. Jany takija ž ukraincy. Kazać im, što, chłopcy, vam prosta zapudryli mazhi. Heta ŭsio infarmacyjnaja vajna», - patłumačyŭ jon svaju pazicyju.
Jon padkreśliŭ. što dziela miru na ŭschodzie krainy hatovy da asabistych pieramovaŭ z Uładzimiram Pucinym. Razam z tym jon padkreśliŭ, što na sastupki Maskvie, jakija ŭklučajuć u siabie raźmien terytoryjami, jon nie pojdzie. «Achviaravać terytoryjaj i ludźmi my nie budziem nikoli. Cełasnaść Ukrainy pavinna być kanstantaj», - skazaŭ Zialenski.
