Siaržant unutranaj słužby Arciom Kalimulin i jaho žonka vyratavali siamju z pałajučaha doma, paviedamlaje 112.by
Zdareńnie adbyłosia ŭ Sieńnienskim rajonie ŭ vioscy Skoh. Prajazdžajučy mima Arciom pabačyŭ, što haryć dom.
Mužčyna skazaŭ žoncy telefanavać na «101», a sam pry dapamozie šancavaha instrumienta ŭskryŭ začynienyja znutry dźviery i pranik u pałajučy dom.
U toj čas užo hareli ścieny i stol. U kalidory vyratavalnik znajšoŭ chłopčyka, jakoha vynies, abharnuŭšy adzieńniem. Vyjšaŭšy z domu i pakinuŭšy małoha, nazad ŭvajści nie zmoh z-za ahniu.
Razam z žonkaj jon pačaŭ abśledavać vokny i hrukać u ich. U pakoi jany ŭbačyli haspadaroŭ. Darosłyja adkryli akno i pieradali praź jaho rabotniku MNS 11-miesiačnuju dačku i siamihadovaha ich plamieńnika. Zatym praz akno vybralisia sami.
Arciom Kalimulin pracuje kiroŭcam u pažarnym avaryjna-vyratavalnym poście №13 Sieńnienskaha rajona i słužyć u MNS krychu mienš za hod.
