U intervju telekampanii PBS śpiecpradstaŭnik ZŠA pa Ukrainie Kurt Uołkier paraŭnaŭ udzielnikaŭ druhoha tura prezidenckich vybaraŭ va Ukrainie Uładzimira Zialenskaha i Piatra Parašenku.
Amierykanski dypłamat skazaŭ, što Zialenski zbudavaŭ svaju kampaniju na supraćdziejańni isteblišmientu.
Dziejny prezident Parašenka, pa słovach Uołkiera, «šmat pracavaŭ», «šmat čaho dasiahnuŭ», ale jamu treba budzie jašče «šmat zrabić».
«I ciapier ukrainskaja hramadskaść staić pierad vybaram — ci žadajuć jany kaho-niebudź, chto prosta idzie suprać isteblišmientu, abiacajučy maštabnyja reformy? <…> Ci jany chočuć kaho-niebudź, chto, mahčyma, rasčaravaŭ ich u niejkim płanie, ale zrabiŭ bolš u płanie reformaŭ, čym chto-kolviek inšy va Ukrainie za apošnija 20 hadoŭ?» — zajaviŭ Uołkier.
«I vydatna toje, što heta pa-sapraŭdnamu demakratyčnyja vybary. My nie viedajem, jaki budzie vynik», — adznačyŭ Uołkier.
