Pieršyja vyprabavańni aŭtanomnaha pavietranaha taksi EHang 216 praviali ŭ Aŭstryi. Aeramabil z pasažyrami na borcie paśpiachova ździejśniŭ niekalki ŭźlotaŭ i pasadak na stadyjonie ŭ Vienie, paviedamlaje aŭstryjskaje telebačańnie.
Jak adznačyŭ ministr transpartu, inavacyj i technałohij Aŭstryi Norbiert Chofier, całkam realna, što ŭžo da 2025 hoda pavietranyja taksi pačnuć lotać pa krainie.
«Raźvićcio hetaj technałohii idzie vielmi chutka, i technična jany pracujuć vydatna», — skazaŭ Norbiert Chofier.
Vytvorčaściu aeramabilej kitajskaj kampanii EHang zajmajecca kitajska-aŭstryjski avijacyjny kancern FACC. Zaraz pavietranyja taksi rychtujuć da sieryjnaha vypusku. Jak zapeŭniŭ hienieralny dyrektar FACC Robiert Machtlinhier, pieršyja sieryjnyja aeramabili pačnuć vyrablać u Aŭstryi ŭžo ŭ druhoj pałovie 2019 hoda.
