Jak stała viadoma «Našaj Nivie», Śledčy kamitet rasśleduje kryminalnuju spravu ŭ dačynieńni da vice-prezidenta Nacyjanalnaha alimpijskaha kamiteta Andreja Astaševiča. Spravu zaviali jašče ŭ 20-ch čysłach sakavika.
Astaševič — kapitan i adzin z hałoŭnych bambardziraŭ kamandy Alaksandra Łukašenki.
Na hetym tydni, pavodle aficyjnaj infarmacyi, jon znachodzicca na balničnym, tamu nie byŭ na pracy, paviedamlaje Tut.by.
«Na minułym tydni byli pytańni. Ale ciapier jon byccam by nie zatrymany. Znachodzicca doma. Kažuć, abranaja bolš humannaja miera strymańnia», — raspaviali krynicy Tut.by.
Andrej Astaševič naradziŭsia ŭ 1972 hodzie ŭ Dziaržynsku. Pavodle infarmacyi haziety «Priessboł», Astaševič da 18 hadoŭ hulaŭ u chakiej za «Junactva», a z 1990 pa 2004 hod prachodziŭ słužbu va Uzbrojenych siłach. U chakiejnuju kamandu Łukašenki Astaševič trapiŭ u 1997 hodzie.
Fota: president.gov.by.
Paśla hetaha jon skončyŭ Biełaruski univiersitet kultury i Akademiju kiravańnia.
U 2017 hodzie jon staŭ pieršym vice-prezidentam Nacyjanalnaha alimpijskaha kamiteta, jaki ŭznačalvaje Alaksandr Łukašenka.
