Fota Radyjo Svaboda
5 krasavika budaŭničyja raboty ŭ Kurapatach adnavilisia, ale ŭ značna mienšych maštabach, čym dniom raniej. Rabočyja z arhanizacyi «Zasłaŭjebudindustryja» zakopvajuć mietaličnyja słupy ŭzdoŭž lesu z boku restarana «Pajedziem pajadzim», inšyja rabočyja mantažujuć siekcyi mietaličnaj sietki, piša Radyjo Svaboda
Užo zroblena kala 50 mietraŭ aharodžy. Na placoŭcy pracujuć da 10 rabočych i śpiecyjalistaŭ, ich absłuhoŭvaje 2 hruzaviki. Pahruzčykaŭ i buldozieraŭ, jakija ŭčora valili kurapackija kryžy, siońnia na budoŭli nie vidać.
Miesca rabot pa-raniejšamu adharodžana bieła-čyrvonaj stužkaj; za tym, kab nichto čužy nie pranikaŭ za jaje, sočać niekalki milicyjantaŭ i ludziej u cyvilnym.
Na baku lesu ad zasłaŭskaj darohi vykapanyja jamki pad słupki aharodžy prykładna na 100 mietraŭ, ale raboty tam nie viaducca.
Pa samich Kurapatach možna chadzić, jak i ŭčora ŭviečary. Ačeplena stužkaj tolki pałasa ŭzdoŭž lesu ad restarana, dzie staviać aharodžu.
