Biełaruś vyrašyła spynić siertyfikacyju praduktaŭ charčavańnia, jakija zabaronienyja da ŭvozu ŭ Rasiju, ale traplali na jaje terytoryju dziakujučy reekspartu, paviedamlaje RIA Novosti sa spasyłkaj na pres-słužbu Raśsielhasnahladu.
«Biełaruski bok paviedamiŭ pra spynieńnie siertyfikacyi płodaaharodninnaj pradukcyi, jakaja prybyvaje z trecich krain dla razmytnieńnia na terytoryi Biełarusi i dalejšaha reekspartu ŭ Rasiju», — raspaviali ŭ viedamstvie.
Taksama adznačajecca, što hetaja miera zakranie tolki tuju pradukcyju, jakaja trapiła pad dziejańnie embarha, uviedzienaha Rasijaj u 2014 hodzie ŭ adkaz na zachodnija sankcyi. Jana nieabchodnaja z-za taho, što realnaja kraina pachodžańnia tavaraŭ, jakija traplajuć u Rasiju, zastajecca nieviadomaj.
Pahadnieńnia ŭdałosia dasiahnuć u vyniku telefonnych pieramoŭ pamiž Raśsielhasnahladam i namieśnikam kiraŭnika Hałoŭnaj dziaržaŭnaj inśpiekcyi pa nasieńniavodstvu, karancinu i achovie raślin Biełarusi Alaksandram Paŭłovičam.
