ŭtrymać kurs rubla na ciapierašnim uzroŭni praz ceły 2009 hod.
«Takoj vialikaj karekciroŭki kursu, jakaja adbyłasia, na praciahu 2009 hoda nie budzie», — zajaviŭ BiełaPAN načalnik upraŭleńnia infarmacyi hałoŭnaha banka krainy Anatol Drazdoŭ.
Pavodle jaho słoŭ, Nacbank byŭ vymušany źnizić kurs biełaruskaha rubla, bo Asnoŭnyja kirunki hrašova‑kredytnaj palityki raspracoŭvalisia letam 2008 hoda «ŭ zusim inšaj ekanamičnaj situacyi». «Pryjšła vosień‑zima i stała zrazumieła, što zafiksavanaja raniej kursavaja palityka prosta nie adpaviadaje biahučamu momantu.
Tamu paŭstała pytańnie: vykonvać pakazčyki ci ratavać ekanomiku? Naturalna, byŭ vybrany toj šlach, jaki idzie na karyść ekanomiki», — padkreśliŭ pradstaŭnik Nacbanka.
Jon zajaviŭ, što panižeńnie kursu nacyjanalnaj valuty było adnoj z rekamiendacyj ekśpiertaŭ MVF u suviazi z tym, što, na ich dumku,
palityka zanadta vysokaha kursu biełaruskaha rubla, jakaja pravodziłasia Nacbankam, «admoŭna adbivałasia na stanie zołatavalutnych reziervaŭ krainy i nijakija kredyty ŭ hetym vypadku nam by prosta nie dapamahli».
A.Drazdoŭ taksama patłumačyŭ, čamu Nacbankam byŭ vybrany šlach razavaj rezkaj karekciroŭki kursu i jaho fiksacyi. «Płaŭnaje panižeńnie kursu nacyjanalnaj valuty paradžaje ŭ ludziej stojkaje pierakanańnie ŭ tym, što heta budzie praciahvacca doŭhi čas, i stvaraje stojkija inflacyjnyja i devalvacyjnyja čakańni»,— padkreśliŭ pradstaŭnik hałoŭnaha banka krainy.
Jak viadoma, Nacbank Biełarusi z 2 studzienia adnamomantava paniziŭ aficyjny kurs biełaruskaha rubla da dołara ZŠA na 20,45% — z 2.200 da 2.650 rubloŭ.
Pakul niama źviestak pra stan zołatavalutnych zapasaŭ krainy na kaniec śniežnia i pra vyniki haspadarki za minuły miesiac. Pa hetaj infarmacyi možna budzie mierkavać pra realistyčnaść namieraŭ dziaržaŭnaha reziervavaha banku.
Na dumku niekatorych ekanamistaŭ (Zaika, Ramančuk) utrymać valutny košyk u miežach 5% ad kursu na 2 studzienia budzie niemahčyma. Jany pradrakajuć padzieńnie rubla da 3000 ci navat 4500 rubloŭ za dalar. Sa svajho boku, śpiecyjalisty Nacbanku abiacajuć, što zdolejuć utrymać biełaruskuju valutu.
Z pačatkam kanfliktu ŭ siektary Haza ceny na naftu pačali lohki rost. Kali tendencyja zachavajecca, heta dapamoža spynić zhortvańnie rasijskaj ekanomiki, ad jakoj biełaruskaja mocna zaležyć.
