Hramadskaja arhanizacyja «Biełaruskaja asacyjacyja žurnalistaŭ» praciahvaje štohadovy tvorčy konkurs «Volnaje słova».
Konkurs pravodzicca z metaj udaskanaleńnia prafiesijnaha majsterstva supracoŭnikaŭ niezaležnych drukavanych ŚMI i Interniet-vydańniaŭ, zaachvočvańnia talenavitych žurnalistaŭ, stymulavańnia ich dziejnaści ŭ adstojvańni ahulnačałaviečych kaštoŭnaściaŭ, u tym liku pryncypaŭ prafiesijnaj žurnalistyki i svabody słova.
Uvaha! Udzielničać majuć prava tolki siabry HA «BAŽ».
Na konkurs prymajucca žurnalisckija materyjały, apublikavanyja z 1 studzienia 2008 hoda pa 31 śniežnia 2008 hoda ŭklučna.
Dasłać tvorčyja pracy nieabchodna da 15 studzienia 2009 hoda (pa paštovym štampie). Vyniki buduć padvodzicca ŭ studzieni-lutym 2009 hoda.
Naminacyi konkursu:
1. Najlepšy infarmacyjny materyjał
2. Najlepšaja analityčnaja publikacyja
3. Najlepšaja publikacyja litaraturna-mastackaha žanru ŭ žurnalistycy
4. Žurnalisckaje rasśledavańnie
5. Debiut
U čatyroch pieršych vyšejpieraličanych naminacyjach prapanoŭvajecca ŭručeńnie troch hrašovych premij (1 miesca – 300 000 rubloŭ, 2 miesca – 200 000 rubloŭ, 3 miesca – 100 000 rubloŭ) i hanarovych dypłomaŭ BAŽ. Pieramožcu naminacyi «Debiut» uručajecca zaachvočvalnaja premija i hanarovy dypłom BAŽ.
Zaprašajem Vas pryniać udzieł u tvorčym spabornictvie za 2008 hod.
Bolš padrabiazna pra naminacyi konkursu i ŭmovy afarmleńnia konkursnych materyjałaŭ vy možacie daviedacca na sajcie HA «BAŽ».