Načalnik adździełu padtrymki dziaržaŭnaha abvinavačańnia Hienieralnaj prakuratury Siarhiej Cielaževič u intervju BIEŁTA raspavioŭ pra kolkaść i jakaść pracy dziaržaŭnych abvinavaŭcaŭ.
Pačynajučy z 2001 hodu, zhodna novaha zakanadaŭstva, prakurory abaviazanyja prysutničać u sudach pry razhladzie ŭsich katehoryj kryminalnych spraŭ. Za hety čas
kolkaść razhledžanych u sudach z udziełam prakuroraŭ kryminalnych spraŭ vyrasła z 35 tysiač da 66 tysiač. U siarednim na adnaho dziaržaŭnaha abvinavaŭcu prychodzicca ŭ kala 220 spraŭ — kala 3 u dzień. Na siońnia ŭ sudach pracuje 302 dziaržaŭnyja abvinavaŭcy, što ŭ 3,5 razy mienš, čym sudździaŭ, što majuć prava razhladać kryminalnyja spravy.U vyniku davodzicca pryciahvać da ŭdziełu prakurorskich supracoŭnikaŭ ź inšych halinaŭ, što niepaźbiežna ŭpłyvaje na jakaść pracy dziaržaŭnaha abvinavačańnia. Prakuratura nieadnarazova rabiła i robić sproby, u tym liku i na zakanadaŭčym uzroŭni, źmienšyć nahruzku na prakuroraŭ u sudzie. U prakuratury spadziajucca, što nieskładanyja spravy, jakija nie vyklikajuć sumnievaŭ u vinavataści padsudnaha, buduć adbyvacca pa mahčymaści biez udziełu prakuroraŭ. Na dumku Siarhieja Cielaževiča, heta dazvoliła b paskoryć sudovy praces dy zekanomić dziaržaŭnyja srodki. Akramia taho, upeŭnieny jon,
«u abvinavačanych źjaviŭsia b bolšy stymuł da pryznańnia svajoj viny i bolš ščyraj pazicyi ŭ sudzie».Pavodle načalnika adździełu, da takich spraŭ adnosicca prykładna kožnaja čaćviortaja.
Kažučy pra jakaść prakurorskaj pracy ŭ sudach, S. Cielaževič paviedamiŭ, što tolki pałova biełaruskich sudoŭ vydzieliła prakuroram asobnyja pracoŭnyja pamiaškańni.
Kolkaść apraŭdalnych prysudaŭ składaje tolki 0,26 % ad ahulnaha abjomu prysudaŭ – 153 za apošnija 11 miesiacaŭ. Ź ich 24 prysudy byli admienienyja. «Heta havoryć ab tym, što jakaść śledstva znachodzicca na vysokim uzroŭni, rasśledavańnie pravodzicca abjektyŭna, źbirajucca nieabchodnyja dokazy»– kaža prakuror.
Stavić pytańnie Hieprakuratura i pra indyvidualizacyju pakarańniaŭ. Siońnia za paŭtorny vypadak chabarnictva čałavieka čakaje turemnaje źniavoleńnie terminam ad 6 hadoŭ. Ale heta moža być situacyja, kali ŭ abodvuch vypadkach chtości atrymaŭ pa $10, a niekaha mohuć złavić i na $10 tys., tłumačyć načalnik adździełu. Ciapier pry ŭdziele dziaržaŭnych abvinavaŭcaŭ prablema pačała vyrašacca.
