Biełaruskamoŭnaja hreka-katalickaja hramada stalicy ładzić siońnia kućciu, na jakuju zaprašaje taksama ŭsich adzinokich i małazabiaśpiečanych, jakim nie pad siłu padrychtavać tradycyjnuju kaladnuju viačeru, dy kab razam sustreć pieršuju zorku i naradžeńnie Chrysta.
Kaža parach prychoda ajciec Andrej Abłamiejka:
Siońnia heta Kućcia budzie a 20‑j hadzinie tut, u našym dušpastarskim centry śviatoha Jazepa pa vulicy Ardžanikidzie 6, heta niedaloka ad stancyi mietro «Aŭtazavodskaja». Zvyčajna na Kućciu tradycyjna ŭ biełarusaŭ, i my hetaha abaviazkova trymajemsia, jość 12 posnych stravaŭ, jakija lažać na abrusie, a pad abrusam siena, i jano nahadvaje nam, što naš Hospad pryjšoŭ u hety śviet małym dziciem, pryjšoŭ u stajni, naradziŭsia vielmi prostym čynam na sienie. I heta zdareńnie my budziem razam sustrakać i pačniom z hetaj prosta kućci. Taksama pamolimsia da Isusa, pierad hetym razłomim prasforu, heta taksama znak žyćcia. Zapalim śviečku, heta śviatło Betlejemskaje i paśla ŭnačy budziem śviatkavać hetaje naradžeńnie Božaje. I budziem kaladavać.
Heta asablivy viečar u žyćci kožnaha chryścijanina, kaža ajciec Andrej, tamu mienavita kaladnaja viačera ci Kućcia ŭ centry śviatoha Jazepa stała ŭžo tradycyjaj. Moža na Kućciu pryjści kožny, kab pravieści hety viečar razam ź viernikami hreka‑katalickaj hramady, ŭšanavać naradžeńnie Chrysta, kaža ajciec Andrej.