Darahija suajčyńniki!
Ščyra vinšuju vas z Rastvom Chrystovym.
Heta radasnaje siamiejnaje śviata, sahretaje zapavietami lubvi i zhody, doryć miljonam ludziej vieru i nadzieju. Cichaja kaladnaja noč, azoranaja śviatłom Viflejemskaj zorki, dapamahaje stać bližej adzin da adnaho, zabyć kryŭdy i adkryć sercy nasustrač dabru.
U takija ŭračystyja dni asabliva pranikniona adčuvajecca nieparušnaść viečnych jevanhielskich iścin, prostych i vialikich adnačasova. Bo ŭ naš składany i supiarečlivy viek čałaviectvu nieabchodny vysokija ideały spraviadlivaści, samaachviarnaści i miłasernaści, jakija chryścijanstva niasie ŭ śviet voś užo bolš jak dźvie tysiačy hadoŭ.
Niachaj žyvatvornaja atmaśfiera Rastva zaŭsiody panuje ŭ vašych damach, dapamahaje zachoŭvać samyja hałoŭnyja skarby — dušeŭny spakoj i dobraje samaadčuvańnie dziaciej i blizkich, uzajemarazumieńnie, družbu i viernaść, umieńnie daravać i canić žyćcio.
Žadaju vam, darahija suajčyńniki, mocnaha zdaroŭja, pośpiechaŭ va ŭsich spravach i pačynańniach, vialikaha ščaścia i vydatnaha nastroju.
Alaksandr Łukašenka.