Siońnia ŭ Raŭbičach adbudziecca fiestyval «Honka lehiendaŭ», paviedamlaje BiełTA
U startach prymuć udzieł viadomyja bijatłanisty, jaki damahalisia značnych pieramoh u spartyŭnaj karjery. Adnym z samych tytułavanych udzielnikaŭ stanie vaśmirazovy alimpijski čempijon pa bijatłonie narviežac Ule-Ejnar Bjorndalen — muž čatyrochkratnaj alimpijskaj čempijonki Darji Domračavaj.
Udzieł u honcy voźmuć Andrej Dziaryziamla (Ukraina), Uładzimir Dračoŭ (Rasija), Łars Bierhier (Narviehija), Fłarans Bavieriel (Francyja), Simona Chaŭsvald (Niamieččyna), Nadzieja Skardzina (Biełaruś), Chałvard Chanievol (Narviehija), Viensan Defran (Francyja, Frudie Andresien (Narviehija), Siarhiej Novikaŭ (Biełaruś), Alena Zubryłava (Biełaruś) dy inš.
A 14.00 pačniecca majstar-kłas dla finalistaŭ respublikanskich spabornictvaŭ siarod dziaciej i padletkaŭ «Śniežny snajpier» i turniru «Kubak Biełaruskaj fiederacyi bijatłonu», u 15.30 adbudziecca aŭtohraf-siesija udzielnikaŭ «Honki lehiend» ŭ spartyŭnaj zale.
Cyrymonija adkryćcia «Honki lehiendaŭ» i adkrytaha čempijanatu Jeŭropy pa bijatłonie pačniecca na stadyjonie ŭ «Raŭbičach» u 17.00. U 17.50 adbudziecca mas-start siarod žančyn, a ŭ 18.15 vystupiać mužčyny. Zaklučnym zabieham i adnym z samych cikavych stanie źmiašanaja estafieta, jakaja pačniecca ŭ 18.45.
U 19.30 adbudziecca ŭznaharodžańnie pieramožcaŭ i pryzioraŭ «Honki», a taksama adbuducca provady Darji Domračavaj i Nadziei Skardzina ź vialikaha sportu.
