Abaronca «Urała» Dzianis Palakoŭ u hutarcy z karespandentam championat.com Maksimam Pachomavym prakamientavaŭ navinu pra toje, što z nastupnaha siezona biełaruskija futbalisty pierastanuć ličycca lehijanierami ŭ Rasii.
27-hadovy Dzianis Palakaŭ pierajšoŭ va «Urał» z BATE ŭ zimovaje tranśfiernaje akno. Fota: FK BATE.
«Daviedaŭsia, što biełaruskija futbalisty nie buduć ličycca lehijanierami pazaŭčora ŭviečary, kali źbiraŭsia na zbory. Viadoma, spačatku ŭzradavaŭsia, heta pryjemna. Ź inšaha boku, takija čutki chodziać daŭno, tak što, pakul zakon nie prymuć i aficyjna nie pryznajuć, radavacca rana. Užo dva-try hady takoje havorać.
Viadoma, udziačny Łukašenku i Pucinu za takoje rašeńnie. My praktyčna adna kraina, u nas adzin narod, jość mytny sajuz, siabroŭskija adnosiny prezidentaŭ, tamu treba było da hetaha pryjści — chakieisty ž nie ličacca lehijanierami ŭ Rasii. Dumaju, heta łahičny krok.
Ci viedaŭ pra mahčymy novy limit pry pierachodzie va «Urał»? Klučavym faktaram pry pierachodzie heta nie było, choć pradbačyŭ. Viedaŭ, što razmovy pra heta chodziać daŭno. Čutki źjavilisia jašče ŭ vieraśni, tady mnie pra heta skazaŭ čałaviek ź fiederacyi futboła. Potym kazali, što prymuć rašeńnie ŭ śniežni, ciapier — z novaha siezonu. U zbornaj kazali pra heta, ale nie było takoha, kab pa paŭhadziny abmiarkoŭvali hetyja naviny.
Dumaju, heta rašeńnie pojdzie na karyść i biełaruskim, i rasijskim hulcam. Napeŭna, futbalistaŭ ź Biełarusi ŭ RPŁ budzie bolš. Raniej, kali kłuby ŭ Rasii vybirali pamiž biełaruskim futbalistam i niejkim chłopcam ź jeŭrapiejskaj krainy, to pieravahu addavali druhomu. Nie viedaju, z čym heta źviazana, moža, biełarusy i horš u čymści, ale zaraz hety zakon palehčyć žyćcio jak biełarusam, tak i rasijanam, jakija zmohuć vystupać u biełaruskim čempijanacie. Mnie asabista heta pryjemna, dadatkovy bonus. Viadoma, možna skazać, što heta važna, tamu što ŭ RPŁ jość limit na lehijanieraŭ, dzieści ciapier budzie praściej», — skazaŭ Palakoŭ.
Palakaŭ pierajšoŭ va «Urał» z BATE ŭ zimovaje tranśfiernaje akno. Taksama 27-hadovy abaronca vystupaje za nacyjanalnuju kamandu Biełarusi z 2010 hoda.
