Treniery «Minčanki» i «Urałački» Viktar Hančaroŭ i Mikałaj Karpol, fota uralochka-vc.com
Kłub «Minčanka» vystupaje ŭ čempijanacie Rasii pa valejbole. Siońnia biełaruski prymali «Urałačku», jakuju ŭznačalvaje viadomy trenier Mikałaj Karpol.
Padčas piataj partyi Karpol nakryčaŭ na svaju biełaruskuju padapiečnuju Hannu Klimiec: «Ty čaho rassłabiłasia? Udar u sietku, padača — u sietku. Heta što takoje? Piataja partyja! Pajedzieš u Mazyr siezon dahulvać!».
«Urałačka» ŭ vyniku pieramahła ź likam 3:2.
Mikałaj Karpol naradziŭsia ŭ 1938 hodzie ŭ Biełarusi, u Bieraźnicy (siońnia heta Pružanski rajon), ale ŭ 1956 hodzie siamja pierajechała na Urał. Mikałaj Karpol — adzin z samych viadomych u śviecie valejbolnych trenieraŭ. «Urałačku» treniruje z 1969 hoda, treniravaŭ zbornuju SSSR, Rasii, a ŭ 2009-2010 hh. zbornuju Biełarusi pa valejbole.
Što da Mazyra, to ŭ hetym horadzie hulaje žanočaja kamanda «Žamčužyna Paleśsia». Mahčyma, taki vybar Karpola.