Biełarus, jaki hraje ŭ akademii «Miłana», choča vystupać u budučyni za «biełakryłych». Pra heta hulec paviedamiŭ u «Vynikach tydnia» na kanale «Biełaruś-5», pieradaje by.tribuna.com.
Artur Bułaŭkin pierajechaŭ z baćkami ŭ Italiju, kali jamu było piać hadoŭ. Zaraz futbalist vystupaje na pazicyi bramnika ŭ junackaj kamandzie 2005 hoda naradžeńnia.
«Kali Bułaŭkina spytali, za jakuju zbornuju jon chacieŭ by hulać, to jon adkazaŭ ščyra, što žyvie ŭ Italii, ale serca jaho ŭ Biełarusi. Artur choča vystupać za biełaruskuju nacyjanalnuju kamandu», — skazaŭ skaŭt «Kaljary» Aleks Vialikich.
«Chacieŭ by hulać u čempijanacie Biełarusi? Składanaje pytańnie. Ciapier nie chaču. Mnie vielmi dobra ŭ Italii, chaču hulać tut. Moža, u apošnija hady karjery pryjedu ŭ Biełaruś», — skazaŭ Bułaŭkin.