pixabay.com
Ekśpierty ŭ śfiery kibierbiaśpieki vyjavili ŭ svabodnym dostupie na chakierskich forumach i ŭ torentach bazu z 2,2 miljarda imionaŭ i parolaŭ karystalnikaŭ uzłamanych baz dadzienych, piša Wired. Tudy patrapili, u pryvatnaści, dadzienyja karystalnikaŭ Yahoo, Dropbox i LinkedIn.
Raniej u studzieni aŭstralijski śpiecyjalist Troj Chant paviedamiŭ, što znajšoŭ častku hetaj bazy, jakuju nazvali Collection # 1, na vobłačnym servisie Mega. U joj byli kala 773 miljonaŭ adrasoŭ elektronnaj pošty i bolš za 21 miljony parolaŭ da ich, sabranych z 2008 hoda. Paźniej inšyja daśledčyki znajšli novyja častki bazy (Collections # 2-5), u jakich u ahulnaj składanaści 845 hihabajt vykradzienych dadzienych.
Ekśpiert pa kibierbiaśpiecy Krys Roŭłand, jaki spampavaŭ usie piać baz, nazvaŭ ich najbujniejšym schodam vykradzienych dadzienych u historyi. Jon vyśvietliŭ, što hetyja bazy prajšli nie mienš čym praz 130 raspaŭsiudžvalnikaŭ i ich spampavali bolš za tysiaču razoŭ.
