Charakternaje dla našych čynoŭnikaŭ pustasłoŭje:
«Kiraŭnik MZS padkreśliŭ, što ŭ svajoj sučasnaj historyi dypłamatyčnaja słužba nie raz dakazvała zdolnaść pracavać prafiesijna i paśpiachova adstojvać intaresy krainy. Pavodle Makieja, prykładami dla pierajmańnia i dla ciapierašniaha pakaleńnia dypłamataŭ słužać Kuźma Kisialoŭ, Anatol Hurynovič i Andrej Hramyka».
Nu voś jakim asablivym prafiesijanalizmam i adstojvańniem intaresaŭ krainy pad nazvaj Biełaruś adznačalisia nazvanyja ludzi? Hramyka — heta sapraŭdy viadomy dypłamat. Ale ž jon da ŭłasna biełaruskaj dypłamatyčnaj słužby kali i maje dačynieńnie, to tolki ŭskosnaje. Nu, chaj sabie, dapuścim…
U toj ža čas — navat na čysta farmalnych padstavach
jakim prykładam dla pierajmańnia i dla kaho mohuć być ministry zamiežnych spraŭ BSSR, adzinaj funkcyjaj jakich było zabieśpiačeńnie butaforskaha pradstaŭnictva respubliki ŭ AAN? Što jany i dzie adstajali dla BSSR na mižnarodnaj arenie? Takoha, što pierad hetym nie adstajali ichnyja starejšyja braty-tavaryšy z Maskvy? Cikava było b choć pra adzin jaki prykład daviedacca.
