Uładzimir Siamaška, fota Siarhieja Hudzilina
Pra heta pasoł Biełarusi ŭ Rasii Uładzimir Siamaška skazaŭ u intervju TASS.
Pa jaho słovach, vychad na rašeńni pa pahłybleńni ekanamičnaj intehracyi Rasii i Biełarusi moža zaniać, «mahčyma, paŭtara-dva hady».
«Treba dakładna vyznačycca, što z damovy ab stvareńni Sajuznaj dziaržavy 1999 hoda vykanana, što zroblena nie ŭ poŭnaj miery, jakija pałažeńni stracili aktualnaść, jakija momanty, važnyja dla sajuznaj intehracyi, naadvarot, zusim nie adlustravany ŭ hetym dakumiencie albo majuć patrebu ŭ detalizacyi. Treba dumać pra plusy i minusy ŭviadzieńnia adzinaj valuty, adzinaha emisijnaha centra, adzinaha padatkovaha kodeksu. Ale heta ŭsio składanyja pytańni», — kanstatavaŭ Siamaška.
«Tak, naprykład, što tyčycca ŭnifikacyi padatkaabkładańnia, treba brać pad uvahu, što ŭ nas roznaja struktura napaŭnialnaści biudžetaŭ. U vas [u Rasii] pieravažaje nafta i haz, u nas — vytvorčaść: BiełAZ, MAZ, MTZ», — dadaŭ jon.
