Daily Mail
Urad Terezy Mej vyjhraŭ hałasavańnie ab daviery ŭ Pałacie abščyn, adnak heta nie vyvodzić Brytaniju z tupiku ŭ pytańni ab «breksicie»: nivodny z varyjantaŭ pavodzinaŭ u dačynieńni da Jeŭrasajuza nie maje padtrymki ćviordaj bolšaści.
Parłamient Brytanii bolšaściu ŭ 19 hałasoŭ (prahałasavali za niedavier 306 pry nieabchodnych 325) adchiliŭ prapanovu vykazać uradu Mej niedavier.
Z hetaj prapanovaj napiaredadni vystupiŭ lidar apazicyjnaj Lejbarysckaj partyi Džeremi Korbin paśla taho, jak Pałata abščyn uviečary ŭ aŭtorak pieravažnaj bolšaściu hałasoŭ adchiliła ŭzhodnieny uradam Brytanii i Jeŭrasajuzam prajekt damovy ab vychadzie ź ES.
Adnak miaciežnyja deputaty-kansiervatary, a taksama sajuźniki tory paŭnočnairłandskija junijanisty, jakija napiaredadni hałasavali suprać prapanavanaha Mej i Bruselem prajekta, u hety raz vyrašyli padtrymać urad.
Ciapier Tereza Mej pa rašeńni parłamienta na praciahu troch rabočych dzion, heta značyć da paniadziełka, pavinna prapanavać Pałacie abščyn novy varyjant damovy ź ES.
