Administracyja YouTube ŭviała novyja abmiežavańni dla stvaralnikaŭ kantentu, pavodle jakich na płatformie zabaraniajecca publikavać roliki z prankami i čelendžami, što pahražajuć žyćciu. Pra heta havorycca na sajcie kampanii.
U jakaści prykładu kampanija zhadvaje Tide Pod Challenge, padčas jakoha ludzi jaduć kapsuły z pralnym paraškom na kamieru. U kancy studzienia 2018 hoda aŭtary miedycynskaha YouTube-kanała nahladna pakazvali niebiaśpiečnaje ŭpłyŭ fłešmobu na arhanizm čałavieka, ale heta nie spyniła jaho ŭdzielnikaŭ ad vykanańnia.
Adnym z apošnich papularnych vyklikaŭ staŭ Bird Box Challenge: jaho ŭdzielniki zaviazvajuć vočy i sprabujuć ŭślapuju kiravać aŭtamabilem. Čelendž stvorany pa matyvach adnajmiennaha filma, u jakim hałoŭnyja hieroi vymušanyja pierasoŭvacca z zaviazanymi vačyma.
Zhodna z novymi praviłami YouTube, strajki mohuć atrymać i tyja kanały, jakija vykarystoŭvajuć u jakaści minijaciur da svaich videa karcinki, što ŭtrymlivajuć, naprykład, parnahrafiju abo sceny hvałtu. Źniešnija spasyłki na sajty z parnahrafijaj i hvałtam u rolikach taksama zabaronienyja.
