Fota Radyjo Svaboda
Čempijon śvietu pa futbole 1986 hoda Dyjeha Maradona byŭ špitalizavany 12 studzienia ŭ adnu z klinik u Buenas-Ajresie dla płanavaj apieracyi z-za ŭnutranaha kryvacioku. Pra heta paviedamlaje Reuters sa spasyłkaj na krynicu, blizkuju da byłoha futbalistu.
«Heta kryvaciok z-za hryžy, ničoha składanaha. Jon spadziajecca spravicca ź niekatorymi ź niazručnaściaŭ, jakija jon zvyčajna adčuvaje», - zajaviŭ surazmoŭca ahienctva.
Praź niekalki hadzin ahient Maradony Macijas Morli napisaŭ u Twitter, što apieracyja prajšła paśpiachova, były futbalist adnaŭlajecca paśla jaje i čakaje, kali zmoža viarnucca da pracy.
Maradona ŭznačalvaje mieksikanski kłub «Daradas», u mai stała viadoma, jon staŭ staršynioj praŭleńnia bresckaha «Dynama», u lipieni Maradona prylacieŭ na dva dni ŭ Brest, paŭdzielničaŭ u treniroŭcy, naviedaŭ matč kłuba, pahutaryŭ z futbalistami ibolš u Biełarusi nie źjaŭlaŭsia.
