Brytanskaja Independent nazvała Minsk u liku dziesiaci jeŭrapiejskich haradoŭ, jakija varta naviedać u 2019 hodzie. Z ulikam taho, što z 21 pa 30 červienia tut projduć Jeŭrapiejskija hulni 2019 hoda, Minsk u artykule nazvany pieršym.
«Zachodnija turysty, traplajučy ŭ Minsk, ździŭlenyja tym, nakolki horad čysty i biaśpiečny. Choć nie čakajcie, što ŭsie buduć tut adkazvać pa-anhlijsku», — adznačajuć aŭtary artykuła.
Aŭtary artykuła źviartajuć uvahu na 30-dzionny biaźviz i atmaśfieru staroha horada ź jaho chipstarskimi kaviarniami i barami. Adznačajecca, što pakoj u chostele «Trynici» abyjdziecca ŭsiaho ŭ £25, a pieralot polskimi avijalinijami ŭ £145 (daražej, čym u astatnija turystyčnyja centry, jakija rekłamujucca ŭ artykule).
Akramia Minska, vydańnie rekamienduje Raterdam (Niderłandy), Sitžes (Ispanija), Arl (Francyja), Sarajeva (Bośnija), Rym (Italija), paryžski Dyśniejłend, Białhrad (Sierbija), Vieniecyju (Italija), Brystal (Vialikabrytanija).
