39-hadovuju mahiloŭku abakrała znajomaja, jakaja niepraciahły čas žyła ŭ jaje doma. Z kvatery źnikli videamahnitafon, hazavaja plita i dvd-płejer na ahulnuju sumu 250 rubloŭ, paviedamiła aficyjny pradstaŭnik Leninskaha RAUS Mahilova Alena Simanava.
Supracoŭniki adździeła kryminalnaha vyšuku vyśvietlili, što čužyja rečy zabrała 29-hadovaja žycharka Kryčava, miedsiastra adnoj z balnic horada.
Uładalnica kvatery paznajomiłasia ź miedycynskim rabotnikam, kali prachodziła lačeńnie ŭ špitali. Žančyny razhavarylisia, i miedyk pryznałasia, što maje ciažkaści z žyłpłoščaj. Mahiloŭka prapanavała novaj pryjacielcy pierajechać na čas da jaje, pakul taja nie zmoža znajści sabie žyllo.
Praz dva miesiacy sumiesnaha pražyvańnia siabroŭka źnikła z rečami haspadyni. Mahiloŭka źviarnułasia ŭ milicyju.
Padazravanuju zatrymali.