Za parušeńnie režymu dziaržaŭnaj miažy ŭ Astravieckim rajonie zatrymanyja hramadzianie Francyi, paviedamlaje sajt Dziaržpamiežkamiteta.
U noč z 30 na 31 śniežnia ŭ Astravieckim rajonie smarhonskija pahraničniki z dapamohaj sistemy videanazirańnia vyjavili dvuch nieviadomych, jakija ruchalisia ŭzdoŭž sihnalizacyjnaha kompleksu.
Nieŭzabavie ŭ niepasrednaj blizkaści ad biełaruska-litoŭskaj miažy byli zatrymanyja 24-hadovyja hramadzianie Francyi. Sami maładyja ludzi patłumačyli, što pryjechali na śviaty ŭ Litvu. Adpraviŭšysia ŭ ciomny čas sutak ahladać navakolle, jany sami nie zrazumieli, jak apynulisia na terytoryi inšaj dziaržavy.
Pa dadzienym fakcie byli prainfarmavanyja litoŭskija kalehi. Paśla razboru zamiežnych hramadzian pryciahnuli da administracyjnaj adkaznaści za parušeńnie režymu Dziaržaŭnaj miažy i pieradali litoŭskamu boku.
