Darja Domračava i Ule Ejnar-Bjorndalen zaniali treciaje miesca ŭ Kaladnaj honcy, što prajšła ŭ niamieckim Hielzienkirchienie.
Kaladnaja honka — śpiecyjalny adnadzionny turnir, dzie ad krainy biahuć dva bijatłanisty: jon i jana. Spačatku — mas-start, zatym honka pieraśledu. Biahuć pa čarzie, adno koła mužčyna (adna stralba), druhoje koła žančyna (stralba), treciaje koła (mužčyna) — usiaho dzieviać kołaŭ u mas-starcie, i dzieviać kołaŭ u honcy pieraśledu.
Biahuć dziesiać duetaŭ. Naprykład, ad Rasii — Kaciaryna Jurłava i Anton Šypulin, ad Niamieččyny — Deniz Chierman i Bieniedykt Dol, a taksama Francyska Projs i Simon Šemp
Vyklučeńnie skłaŭ tolki internacyjalny duet, što pradstaŭlaje Biełaruś i Narviehiju. Heta pry tym, što i Domračava, i Bjorndalen aficyjna skončyli karjeru.
U mas-starcie pieršymi finišavali italjancy (Darateja Virer i Łukas Chofier), druhimi — francuzy (Anais Bieskon i Emiljen Žaklen).
Honku pieraśledu i sam turnir vyjhrali italjancy Virer i Chofier, druhoje miesca zaniali Francyska Projs i Simon Šemp.
A voś na finišy niemiec Bieniedykt Dol dačakaŭsia adstajučaha Bjorndalena i prapuściŭ jaho na treciaje miesca. Jany finišavali, uziaŭšysia za ruki.
