Pieršaja hrupa amierykanskich vajskoŭcaŭ pakinuła terytoryju Siryi paśla rašeńnia prezidenta ZŠA Donalda Trampa pra vyvad vojskaŭ z krainy, paviedamlaje tureckaje infarmacyjnaje ahienctva Anadolu.
Nie mienš za 50 vajskovych pakinuli Siryju 28 śniežnia, adpraviŭšysia ŭ bok Iraka na braniavanych aŭtamabilach. Pierad hetym jany razhruzili skład sa zbrojaj i bojeprypasami, jaki znachodziŭsia ŭ pravincyi Chasieka. Pavodle infarmacyi ahienctva, na składzie płoščaj 400 kvadratnych mietraŭ zachoŭvałasia vajennaje abstalavańnie, jakoje pastaŭlajecca amierykancami kurdskim «Atradam narodnaj samaabarony» (YPG). Taksama paviedamlajecca, što ŭsiaho na terytoryi Siryi raźmiaščałasia 18 vajskovych abjektaŭ armii ZŠA.
Raniej paviedamlałasia, što ŭ Pientahonie źbirajucca prapanavać Trampu pakinuć amierykanskaje ŭzbrajeńnie kurdam.
