Biełaruski mietałurhičny zavod padpisaŭ z kancernam Continental kantrakt na pastaŭku ŭ 2019 hodzie 32,8 tysiačy ton mietałakordu.
Partniorskija adnosiny BMZ z pryznanym va ŭsim śviecie vytvorcam šyn pačalisia ŭ 1995 hodzie z 15 tysiač ton i za hady sumiesnaj pracy vyraśli bolš čym u dva razy. U 2018 hodzie BMZ adhruziŭ na zavody Continental, što znachodziacca ŭ Hiermanii, Rumynii, Słavakii, Čechii, Mieksicy, Ekvadory i Rasii, amal 30 tysiač ton mietałakordu. Zhodna z padpisanym kantraktam u 2019-m hety abjom budzie pavialičany da 32,8 tysiačy ton.
U 2018 hodzie BMZ vyrabiŭ kala 91 tysiačy ton mietałakordu. Asnoŭnaja častka hetaj pradukcyi była realizavana na ekspart u 17 krain śvietu. Samymi bujnymi spažyŭcami biełaruskaha kordu źjaŭlajucca Rasija, Hiermanija, Čechija, Rumynija i Słavienija.
