«Spartyŭnaja panarama» ŭ 60-y raz praviała konkurs pa vyznačeńni dziasiatki najlepšych spartoŭcaŭ Biełarusi ŭ 2018 hodzie.
Byli apytannyja 100 biełaruskich žurnalistaŭ. Spartoŭcu, jakoha stavili žurnalisty na pieršaje miesca, davałasia dziesiać bałaŭ, spartoŭcu, jakoha stavili na druhoje miesca, dzieviać bałaŭ i h.d. Potym bały sumiravalisia.
Hanna Huśkova, fota Darji Burakinaj
U vyniku pieramahła Hanna Huśkova, alimpijskaja čempijonka pa frystajle. Jana nabrała 840 bałaŭ, jaje pastavili na pieršaje miesca 42 žurnalisty.
Druhoje miesca ŭ bijatłanistki, alimpijskaj čempijonki Darji Domračavaj (741 bał), treciaje miesca ŭ piaciborki Nastaśsi Prakapienki (648 bałaŭ).
Dalej iduć: tenisistka Aryna Sabalenka (600 bałaŭ), marafonka Volha Mazuronak (505), lohkaatletka Elvira Hierman (398), bijatłanistka Nadzieja Skardzina (238), batutyst Uład Hančaroŭ (168), lohkaatlet Maksim Niedasiekaŭ (93), tenisistka Alaksandra Sasnovič (83).
Usiaho nazyvalisia 84 spartoŭcy.
Najlepšym trenieram nazvany kiraŭnik zbornaj pa frystajle Mikałaj Kazieka, najlepšaj kamandaj u hulniavych vidach sportu — valejbolny kłub «Minčanka», u niehulniavych vidach — žanočaja bijatłonnaja estafieta.
