Biełarus, pieraapranuty ŭ kaścium Čałavieka-pavuka, zładziŭ u maskoŭskim HUMie sapraŭdny kaściumiravany pakaz, sprabujučy paŭtaryć truki papularnaha hieroja komiksaŭ, adnak pierfomans dla jaho skončyŭsia niaŭdała — ekstremał upaŭ i atrymaŭ surjoznyja traŭmy, paviedamlaje mk.ru.
Dźmitryj (mužčyna zajmajecca biznesam u śfiery IT-technałohij) pryjechaŭ ź Biełarusi ŭ Maskvu, kab sustreć Novy hod i źniać ekstravahantnaje videa. Pierałomny momant u pradstaŭleńni zdaryŭsia, kali biełarus zabraŭsia na bałkon druhoha paviercha — mužčyna pavaliŭsia ź siamimietrovaj vyšyni.
U słužbie biaśpieki HUMa raspaviali, što ŭčynak Čałavieka-pavuka vyklikaje šmat pytańniaŭ. Adzin z achoŭnikaŭ abazvaŭ mužčynu ŭ kaściumie «prydurkam», adznačyŭ, što takich, jak jon, u svaim žyćci jašče nie sustrakaŭ. Pavodle jaho słoŭ, paśla taho, jak mužčyna ŭpaŭ, atrymaŭšy traŭmy, jon pasprabavaŭ pamačycca.
«Dumaju, što jon byŭ pad uździejańniem preparataŭ, tamu što ad jaho nie pachła ałkaholem. Bo lekary ŭ jaho dyjahnastavali čatyry pierałomy na dźviuch nahach, a jon stajaŭ, jak ni ŭ čym nie byvała!» — raspaviadaje śviedka.
Mužčynu ŭ vyniku špitalizavali, ciapier jamu niekatory čas pryjdziecca pravieści ŭ balnicy.
