Za sutki da sustrečy z prezidentam Rasii Uładzimiram Pucinym Alaksandr Łukašenka zajaviŭ, što nie budzie nazyvać Rasiju brackaj dziaržavaj. Pavodle Łukašenki, takimi adnosiny pamiž dźviuma krainami nie ŭsprymajucca nie ŭ Minsku, a ŭ Maskvie.
«Ja ŭžo nie kažu «brackaj dziaržavaj», tamu što, jak mianie infarmujuć, u Rasii heta nie ŭsprymajecca. Nibyta pryjšli novyja ludzi, jakim heta paniaćcie nieprymalnaje. Što ž, budziem partniorami», — skazaŭ Łukašenka.
Pa słovach kiraŭnika Biełarusi, nazapasiłasia dastatkovaja kolkaść padpisanych dakumientaŭ i pahadnieńniaŭ, jakija nie vykonvajucca. Havorka zajšła pra pahadnieńni, jakija padpisvalisia pradstaŭnikami Savieta ministraŭ Sajuznaj dziaržavy i na Vyšejšym dziaržsaviecie.
Łukašenka nahadaŭ, što ŭłady Rasii abiacali kampiensavać Minsku straty, ale abiacańniaŭ, jak śćviardžaje biełaruski lidar, nie vykanali.
Va ŭradzie Rasii zajavili, što damovy ź Minskam ab kampiensacyi za padatkovy manieŭr nie było
