Demantavać hramadskuju prybiralniu nasuprać Farnaha kaścioła ŭ Hrodna pačali 23 śniežnia. Na praciahu niekalkich dzion pabudovu prybiaruć, a padziemnyja pakoi pačnuć zasypać. U budučyni na miescy tualeta źjaviacca kłumby z kvietkami, piša Hrodna.life
Tualet na Savieckaj płoščy začynili na ramont ŭ 2016 hodzie i z tych časoŭ jon tak i nie adkryvaŭsia.
Hramadski tualet na Savieckaj płoščy byŭ pabudavany ŭ kancy 40-ch hadoŭ pa prahramie rekanstrukcyi Hrodna 1947 hady. Doŭhi čas heta była biaspłatnaja prybiralnia ŭ centry Hrodna. U 2002 hodzie tualet upieršyniu pierajšoŭ u pryvatnyja ruki, ale paźniej viarnuŭsia horadu i znachodziŭsia na bałansie ŽKH. Apošni surjozny ramont haradskoha tualeta prajšoŭ u 2007 hodzie.
Da rekanstrukcyi płoščy, kali kala tualeta rasło šmat dreŭ, jon nie byŭ taki prykmietny, ale ŭ apošnija hady hetaja pabudova stała adnoj z słavutaściaŭ horada. Heta miesca časta nazyvali jašče «hrodzienskim mietro» z-za vonkavaha vyhladu i vialikaj litary «M», jakaja visieła jašče niekalki hadoŭ tamu.
