Andrej Horvat, fota Siarhieja Hudzilina
Novaja kniha Andreja Horvata «Premjera» pradajecca z 21 śniežnia. Pra jaje vychad čytačy daviedalisia tolki ŭ kniharni, piša Radyjo Svaboda.
«Premjera» vyjšła cicha, biez rekłamy i abviestak u sacyjalnych sietkach. Ale ŭžo ŭ pieršy dzień prodažu jaje zaŭvažyli čytačy.
Pieršaja kniha Horvata «Radziva Prudok» vyjšła ŭ 2016 hodzie na piku papularnaści Andrusia Horvata ŭ sacsietkach. Jaje asnovu skłali dopisy Horvata ŭ fejsbuku. Pravodzilisia prezientacyi i šmatludnyja aŭtohraf-siesii.
Paśla hučnaha pośpiechu knihi Horvat vydaliŭ svoj akaŭnt u fejsbuku. Dahetul jon nie źjaviŭsia ŭ sacsietkach, prynamsi adkryta.
«Premjera» pradajecca tolki ŭ dvuch miescach u Miensku: u kasie Kupałaŭskaha teatra i ŭ «Akademknizie». Ci budzie prezientacyja knihi, Horvat nia kaža.
Andruś staŭ Andrejem
Aŭtar «Premjery» padpisany jak Andrej Horvat. Na debiutnaj knizie aŭtar byŭ paznačany Andrusiom.
«Dziadźka Horvat, Andrusik Ivanavič, Andrušačka — heta ŭsio z Facebook raście. Heta nie stolki ja ŭtvaraŭ hety vobraz, kolki sama aŭdytoryja… Jak by ja ni mianiaŭ imiony, usio roŭna zastajusia Horvatam. Jość niejkaja baza, ad jakoj ja nie admaŭlajusia i jakaja abjadnoŭvaje ŭsie šyzafreničnyja baki majoj asoby. Korań adzin. Astatniaje — sproby źmianić vobraz piersanaža, bo mnie ŭ im stanaviłasia ciesna», — kazaŭ raniej Horvat u intervju Svabodzie.
Nakład «Premjery» — 1000 asobnikaŭ. «Radziva Prudok» startavała bolš ścipła, ale paśla niekalkich pieravydańniaŭ nakład pieravysiŭ 7000 asobnikaŭ.
Abiedźvie knihi vyjšli ŭ vydaviectvie «Miedysont».
Ad kamientaroŭ nakont vychadu knihi Andrej Horvat admoviŭsia.