Mikałaj Sihnievič u hulni suprać inšaha vienhierskaha kłuba: «MOŁ Vidzi», im taksama jon zabiŭ, fota fcbate.by
Forvard BATE Mikałaj Sihnievič budzie vystupać za 29-razovaha čempijona Vienhryi «Fierencvaraš» (Budapiešt), paviedamlaje sajt biełaruskaha kłuba.
Mikałaj adhulaŭ za barysaŭski kłub piać siezonaŭ, kudy jon pierajšoŭ z bresckaha «Dynama». Zhulaŭ za BATE 158 matčaŭ, u jakich zabiŭ 44 hały i addaŭ 21 halavuju pieradaču.
U apošnim matčy suprać hrečaskaha PAOKa Sihnievič zabiŭ dva hały, što dali biełarusam pucioŭku ŭ 1/16 finału.
Čempijanat Vienhryi prachodzić pavodle sistemy vosień-viasna, ale nastupny tur budzie tolki 2 lutaha. «Fierencvaraš» (kłub nazvany pa imieni histaryčnaha rajona Piešta) idzie na pieršym miescy. «MOŁ Vidzi», jakoha BATE dvojčy pieramoh u Lizie Jeŭropy, na 2-m miescy z adstavańniem u piać bałaŭ.
