Syšoŭ u lepšy śviet vybitny biełaruski kampazitar, zasłužany dziejač mastactvaŭ Biełarusi Kim Ciesakoŭ (20.02.1936, Červień, Minskaja vobłaść — 20.12.2018, Minsk).
Kim Ciesakoŭ.
Muzyka Kima Ciesakova — vučnia Dźmitryja Šastakoviča — vyłučajecca fiłasofskaj hłybinioj i maštabnaściu vobrazna-dramaturhičnaha abahulnieńnia, abapirajecca na biełaruskija narodnyja śpieŭnyja tradycyi. Siarod muzyčnaj spadčyny kampazitara, što hučyć u mnohich krainach śvietu, — simfonija №4 «Kurapaty», zavieršanaja Kimam Ciesakovym 8 lutaha 1990 hoda. Hety adziny tvor ajčynnaj muzyčnaj kłasiki, pryśviečany Kurapatam, z pośpiecham vykonvaŭsia ŭ Biełarusi i šerahu zamiežny krain. Muzykaj suśvietnaha ŭzroŭniu nazvaŭ simfoniju «Kurapaty» viadomy dyryžor, narodny artyst SSSR Jaŭhien Śviatłanaŭ.
Paśla zakančeńnia Homielskaj muzyčnaj vučelni imia Nieściera Sakałoŭskaha i Navasibirskaj dziaržaŭnaj kansiervatoryi Kim Ciesakoŭ vykładaŭ u Biełaruskaj dziaržaŭnaj kansiervatoryi imia Anatola Łunačarskaha, Minskaj muzyčnaj vučelni imia Michaiła Hlinki i siaredniaj śpiecyjalnaj muzyčnaj škole pry kansiervatoryi, zahadvaŭ redakcyjaj muzyčnaj litaratury vydaviectva «Biełaruś».Kim Ciesakoŭ — hanarovy hramadzianin Červienia, łaŭreat nacyjanalnaj premii imia Vasila Vitki i ŭsiesajuznych konkursaŭ, uznaharodžany miedalom Franciška Skaryny.
