Rasija vysłała šviedskaha žurnalista i dypłamata Kale Knijvila, jaki zajmaŭ pasadu ataše pa kultury pry pasolstvie Šviecyi. Pra heta paviedamlaje Lenta.ru sa spasyłkaj na hazietu Expressen.
Rašeńnie pra vysyłku stała adkazam na admovu dvum rasijskim dypłamatam ŭ vydačy šviedskaj vizy. Pavodle infarmacyi vydańnia, šviedskija słužby admovili im nibyta praz suviazi z rasijskimi śpiecsłužbami.
Da taho jak zaniać pasadu ŭ pasolstvie, Knijvila pracavaŭ u haziecie Sydsvenska, byŭ maskoŭskim karespandentam finskaj haziety Kansan Uutiset i śpiecyjalizavaŭsia na tematycy Rasii: jon napisaŭ čatyry knihi pra sučasnuju rasijskuju palityku, adnu ź jakich pryśviaciŭ prezidentu Uładzimiru Pucinu, a druhuju — dałučeńniu Kryma.
0
0
0
0
0
0
