U hod 125-hodździa z dnia naradžeńnia Chaima Sucina Biełhazprambank nabyŭ na aŭkcyjonie MacDougall's karcinu mastaka 1937 hoda «Zasnuła z knihaj, Madlen Kasten», pieradaje pres-słužba banka.
Partret blizkaj siabroŭki i apiakunki Chaima Sucina staŭ užo trecim pałatnom suśvietna viadomaha mastaka, jaki znachodzicca ŭ Biełarusi: u 2012—2013 hadach Biełhazprambank nabyŭ dla svajoj karparatyŭnaj kalekcyi mastactva dźvie karciny mastaka — partret «Jeva» (1928) i piejzaž «Vialikija łuhi ŭ Šartr, kala vijaduka» (kala 1934 hoda), jakija na siońniašni dzień ŭklučany ŭ Dziaržaŭny śpis historyka-kulturnych kaštoŭnaściaŭ Respubliki Biełaruś.
Čytajcie taksama: Hałoŭnyja miecenaty Biełarusi. Chto i jak viartaje nacyjanalnyja skarby
Vystupajučy na adkryćci vystavy, staršynia praŭleńnia Biełhazprambanka Viktar Babaryka adznačyŭ:
— Jak i ŭ vypadku z «Jevaj», tak syšlisia zorki, što nam udałosia viarnuć na radzimu jašče adzin vydatny žanočy partret, jaki, jak mnie zdajecca, vielmi charakterny dla tvorčaści Sucina. Biez usialakich pafasnych pierabolšańniaŭ ja chaču pavinšavać našu krainu: my majem try cudoŭnyja raboty hienija XX stahodździa, vychadca ź Biełarusi Chaima Sucina. I ja vielmi spadziajusia, što jaho spadčyna stanie kulturnaj asnovaj dla farmiravańnia budučych pakaleńniaŭ biełarusaŭ.
Na sajcie aŭkcyjona paviedamlajecca, što karcinu nabyli za $480 tysiač.
