Chakiery minimum try hady čytali depiešy, jakimi abmieńvalisia dypłamaty Jeŭrapiejskaha sajuza praz abaronienuju sietku COREU, piša The New York Times sa spasyłkaj na technałahičnuju kampaniju Area 1, jakaja vyjaviła ŭzłom.
Depiešy kapijavalisia z abaronienaj sietki i vyhružalisia na śpiecyjalna stvorany dla hetaha veb-sajt, tłumačyć vydańnie. Śpiecyjalisty Area 1 pieradali bolš za tysiaču paviedamleńniaŭ, dastupnych chakieram, haziecie.
Saviet pa nacyjanalnaj biaśpiecy ZŠA nie zmoh apieratyŭna prakamientavać vydańniu hetyja danyja.
Złamyśniki taksama prasačylisia ŭ sietki AAN, Amierykanskaj fiederacyi prafsajuzaŭ, u sietki ministerstvaŭ zamiežnych spraŭ i finansaŭ «usiaho śvietu», adznačaje hazieta.
Mietady, jakija vykarystoŭvali chakiery, nahadvajuć mietady raboty śpiecyjalizavanaha padraździaleńnia Narodnaj armii Kitaja — 3PLA, ličać ekśpierty.
