Popyt pa zamiežnyja valuty pa-raniejšamu pieravyšaje prapanovu. Za adnu piatnicu Nacbank musiŭ pradać $24 młn, 7 młn eŭra i 129 młn rasiejskich rubloŭ, kab utrymać kurs hetych valutaŭ. Niahledziačy na toje, biržavy kurs dalara dasiahnuŭ vierchniaj prahnoznaj miažy za hod — 2 200 rubloŭ.
Pa vynikach tarhoŭ zamiežnymi valutami 12 śniežnia na Biełaruskaj valutna‑fondavaj biržy (BVFB) kurs dalara ZŠA vyras na 2 rubli i skłaŭ 2 200 rubloŭ.
Heta adpaviadaje vierchniaj miažy zapłanavanaha Nacyjanalnym bankam kalidora (2 100 — 2 200 rubloŭ) aficyjnaha kursu biełaruskaha rubla ŭ dačynieńni da dalara ŭ 2008 h.
U tarhach pa dalary ZŠA uziali ŭdzieł 26 bankaŭ. Abjom uhodaŭ skłaŭ 72 młn. 159 tys. (popyt — 72 młn. 160 tys., prapanova — 48 młn. 801 tys.).
U tarhach pa rasijskim rubli ŭdzielničali 25 bankaŭ. Abjom uhodaŭ skłaŭ 332 młn. 405 tys. (popyt — 335 młn. 624 tys., prapanova — 206 młn. 771 tys.), a kurs vyras na 0,42 rubla i skłaŭ 79,11 rubla za adzin rasijski.
U tarhach pa jeŭra ŭziali ŭdzieł 26 bankaŭ. Abjom uhodaŭ skłaŭ 10 młn. 610 tys. (popyt — 11 młn. 351 tys., prapanova — 3 młn. 984 tys.), a kurs vyras na 47 rubloŭ i skłaŭ 2 927 rubloŭ za adzin jeŭra.
Pry zachavańni takoj dynamiki zołatavalutnyja reziervy Nacbanku mohuć skaracicca za śniežań na rekordnuju ličbu.
