Vice-prezident Jeŭrakamisii Maraš Šefčavič zaprasiŭ Rasiju i Ukrainu ŭ Brusel dla nastupnaha etapu trochbakovych pieramovaŭ pa hazie. Sustreča adbudziecca ŭ studzieni, napisaŭ jon u Twitter.
«Čakajem, što kamiercyjnyja struktury taksama prymuć udzieł. Važna raźvivać stanoŭčuju dynamiku», — adznačyŭ Šefčavič.
Raniej kiraŭnik Minenierha Rasii Alaksandr Novak paviedamlaŭ, što pieramovy, mahčyma, projduć u druhoj pałovie studzienia.
13 śniežnia stała viadoma, što «Naftahaz Ukrainy» źviarnuŭsia ŭ amierykanskija sudy z pazovami ab prymusovym spahnańni doŭhu z rasijskaha «Hazprama». «Naftahaz» sprabuje atrymać ad rasijskaha boku 2,7 miljarda dalaraŭ - mienavita stolki «Hazpram» pavinien vypłacić Ukrainie, pa rašeńni Stakholmskaha arbitražu, za niedapastaŭki hazu pa tranzitu.
