White House
Fiederalny sudździa Ryd O'Konar u horadzie Fort-Uert, štat Techas, pryznaŭ niekanstytucyjnym Zakon ab abaronie pacyjentaŭ i dastupnym achovie zdaroŭja (Patient Protection and Affordable Care Act), bolš viadomy, jak «Abamakier», paviedamlaje The Wall Street Journal. Hety zakon demakratami padavaŭsia jak hałoŭnaje dasiahnieńnie administracyi Baraka Abamy, a abiacańnie jaho admianić było adnym z hałoŭnych punktaŭ pieradvybarnaj prahramy Donalda Trampa.
Z pazovam źviarnulisia ŭrady 20 štataŭ z respublikanskaj bolšaściu, jakija śćviardžali, što admiena štrafu za adsutnaść miedycynskaj strachoŭki pazbaviła sensu ŭvieś zakon. Pradstaŭniki 16 štataŭ, dzie kirujuć demakraty, asprečvali hetaje pałaženńnie i paabiacali asprečyć rašeńnie O'Konara, u tym liku ŭ Viarchoŭnym sudzie.
Prezident ZŠA Donald Tramp nazvaŭ vierdykt «vydatnaj navinoj dla Amieryki». «Vau, ale niadziŭna, što «Abamakier» byŭ pryznany niekanstytucyjnym», - napisaŭ jon u Twitter.