Rasijski premjer Dźmitryj Miadźviedzieŭ, vystupajučy siońnia ŭ Breście na pasiadžeńni Savieta ministraŭ Sajuznaj dziaržavy, zajaviŭ, što isnuje dva scenary dla Biełarusi, paviedamlaje pres-słužba rasijskaha ŭrada.
Fota z fejsbuka Dźmitryja Miadźviedzieva
«Adzin — kansiervatyŭny, pry zachavańni konturaŭ toj Sajuznaj dziaržavy, jakuju stvaryli, biez pavyšeńnia ŭzroŭniu intehracyi da tych miežaŭ, padkreślivaju, jakija ŭstanoŭleny ŭ damovie ad 8 śniežnia 1999 hoda, biez farmiravańnia ŭsich instytutaŭ, jakija zakładzieny ŭ hety dahavor», — zajaviŭ Miadźviedzieŭ.
Druhi varyjant, na dumku Miadźviedzieva, byŭ ustanoŭleny ŭ damovie ad 8 śniežnia 1999 hoda i praduhledžvaje bolš ciesny ŭzrovień intehracyi.
«Chaču asabliva padkreślić: Rasija hatovaja i dalej prasoŭvacca pa šlachu budaŭnictva Sajuznaj dziaržavy, uklučajučy stvareńnie adzinaha emisijnaha centra, adzinaj mytnaj słužby, suda, padlikovaj pałaty. U tym paradku, jaki praduhledžany dahavoram ab stvareńni Sajuznaj dziaržavy ad 8 śniežnia 1999 hoda»,
— zajaviŭ rasijski premjer.