Pradstaŭnik UPC Kijeŭskaha patryjarchata archijepiskap Jaŭstracij (Zoria) zajaviŭ, što tomas ab aŭtakiefalii budučamu kiraŭniku pamiesnaj pravasłaŭnaj carkvy va Ukrainie ŭručyć Suśvietny patryjarch u Kanstancinopali 6 studzienia 2019 hoda.
Jon adznačyŭ, što 6 studzienia ŭ Kanstancinopali «maje adbycca boskaja liturhija, sasłužeńnie Suśvietnaha patryjarcha i pradstajaciela (pamiesnaj carkvy), i paśla hetaha jamu budzie ŭručany tomas», paviedamlaje VVS Ukrajina.
Zoria taksama raspavioŭ, što 15 śniežnia ijerarchi UPC KP pryjduć na Abjadnalny sabor. Jon dadaŭ, što UPC KP pradstavić svajho kandydata na kiraŭnictva ŭ pamiesnaj carkvie ŭžo na sabory.
15 śniežnia ŭ Safii Kijeŭskaj adbudziecca Abjadnalny sabor, jaki maje abviaścić stvareńnie aŭtakiefalnaj Ukrainskaj pravasłaŭnaj carkvy. Sabor zaćvierdzić statut Ukrainskaj carkvy i abiare jaje pradstajaciela.
