Minski abłasny sud siońnia pryhavaryŭ Maksima Čyžyka da 25 hadoŭ kałonii ŭzmocnienaha režymu, a Kaciarynu Komar — da dvuch hadoŭ u papraŭčaj ustanovie adkrytaha typu biez štrafu, piša kurjer.info.
Maksim Čyžyk pryznany vinavatym u zabojstvie z asablivaj žorstkaściu. Jamu pryjdziecca pakryć sudovyja vydatki ŭ pamiery 2100 rubloŭ. Kaciaryna Komar zapłacić za ich 420 rubloŭ.
Nahadajem, što ŭ noč na 30 studzienia Kaciaryna vyklikała dadomu «chutkuju». Miedyki znajšli na ciele dvuchhadovaj dziaŭčynki ślady źbićcia. Usiaho naličyli bolš za sto siniakoŭ. Pryčynaj śmierci dziaŭčynki, pa papiarednich dadzienych, stali aciok mozhu, krovaźlićcio ŭ mozh, traŭmatyčny šok. Na momant zatrymańnia maci dziaciej i jaje 27-hadovy sužyciel byli ćviarozyja.
«A Marusia zdochła». Braty i siostry zabitaj 2-hadovaj dziaŭčynki ŭ Słucku raspaviali, jak ź ich ździekavalisia maci i jaje sužyciel
