Heta moža być apošniaja hulnia dla Alaksandra Hleba, fota fcbate.by
Siońnia ŭ matčy apošniaha turu hrupavoha turniru Lihi Jeŭropy BATE zhulaje ŭ Sałonikach z PAOKam. Pačatak u 20:55 (tranślacyja na «Biełaruś-5» i ŭ internecie).
Čełsi — 15, BATE — 6, Vidzi — 6, PAOK — 3.
Kab vyjści ŭ 1/16 finału Lihi Jeŭropy BATE treba pieramahčy. Abo zhulać uničyju, ale kab vienhierski «Vidzi» nie zdoleŭ pieramahčy niematyvavany «Čełsi».
Pry roŭnaści bałaŭ pamiž BATE i «Vidzi» ŭ nastupny etap vyjdzie biełaruski kłub: u jaho dźvie pieramohi ŭ matčach z «Vidzi».
Što praŭda, dva miesiacy tamu, 4 kastryčnika, BATE ŭ Barysavie razhromna prajhraŭ PAOKu ź likam 1:4. Ale paśla hetaha hreki dvojčy prajhrali vienhram.
Bukmiekiery aceńvajuć šancy hrekaŭ, jak 1,60 (jany biassprečnyja favaryty), na ničyju dajuć kaeficyjent 3,60, na pieramohu biełarusaŭ — 6,50.