Pravaŭładalnik Times New Roman i inšych papularnych šryftoŭ, jakija vykarystoŭvajucca pry nabory na kampjutary, zabaraniŭ ich vykarystańnie ŭ rasijskich dziaržaŭnych ustanovach, paviedamlaje CNews.
Šryfty mohuć vykarystoŭvacca na asobnym PK abo dla druku dakumientaŭ, ale ich nielha pieradavać z kampjutara na kampjutar, a taksama vykarystoŭvać dla stvareńnia elektronnych dakumientaŭ abo prahramnych praduktaŭ.
Kampanija Monotype Imaging, jakoj naležać pravy na šryfty Times New Roman, Arial, Courier New i inšyja, admoviłasia dać licenzii na ich vykarystańnie ŭ rasijskim PZ. U jakaści pryčyny kampanija nazvała sankcyi, uviedzienyja ZŠA suprać Rasii.
Rasijskim čynoŭnikam prapanujecca vyrašyć prablemu, pierajšoŭšy na rasijskaje prahramnaje zabieśpiačeńnie. Pry hetym rekamiendujecca źmianić i AS, i pakiet ofisnych prahram. Čynoŭnikam rajać užyvać zamiest šryftoŭ Monotype Imaging rasijskija šryfty ci zamiežnyja, ale jakija raspaŭsiudžvajucca pa adkrytaj licenzii.
