U aŭtorak prajšli vosiem matčaŭ futbolnaha turniru. Heta byŭ apošni tur hrupavoha raŭndu.
uefa.com
Samy cikavy byŭ u Livierpuli, dzie lidar čempijanatu Anhlii prymaŭ «Napali» — lidara hrupy. «Livierpul» pieramoh 1:0, i adkinuŭ «Napali» na 3-je miesca, jakoje daje pucioŭku tolki ŭ Lihu Jeŭropy.
«Barsiełona» i «Totenchiem» zhulali ŭničyju 1:1 i taksama vyjšli ŭ nastupny raŭnd. «Inter» adpraŭlajecca ŭ Lihu Jeŭropy.
Takim čynam u 1/8 Lihi čempijonaŭ z aŭtorkavych hrup vyjšli: Barusija, Atletyka, Barsiełona, Totenchiem, PSŽ, Livierpul, Portu, Šalkie.
U Lihu Jeŭropy adpraŭlajucca: Bruhie, Inter, Napali, Hałatasaraj, Bienfika, Valensija.
Siońnia projdzie jašče vosiem matčaŭ, ale siem kamandaŭ, što prabilisia ŭ 1/8 finału, užo viadomyja: heta Bavaryja, Ajaks, Mančester Sici, Reał, Roma, Mančester Junajted, Juvientus.
Adzinaja pucioŭka budzie razyhrana ŭ matčy «Šachcior» — «Lijon», što projdzie ŭ Kijevie. U Charkavie, dzie hulaje matčy ŁČ farmalna daniecki niekalki hod «Šachcior», vajennaje stanovišča.