U Homieli na tematyčnaj viečarynie «Dziavočnik» padazravanuju ŭ kradziažy vyśvietlili dziakujučy velumu, paviedamlaje UUS Homielskaha abłvykankama.
Viečaryna prachodziła ŭ adnoj z zabaŭlalnych ustanoŭ 8 śniežnia. Na praciahu ŭsioj nočy dla dziaŭčat u velumie ŭvachod byŭ biaspłatnym. Jak vyśvietliłasia paźniej, skarystałasia hetaj prapanovaj tolki 34-hadovaja hamialčanka.
U razhar viečarynki adna z naviedvalnic načnoj ustanovy źviarnułasia pa dapamohu da administratara kłuba i achovy — ź jaje sumački, pakinutaj kala barnaj stojki, źnikli 60 rubloŭ.
Supracoŭniki milicyi, prahledzieŭšy zapisy kamier videanazirańnia, chutka znajšli padazravanuju. Joj była adzinaja va ustanovie ŭładalnica aksiesuara niaviesty. Damie ŭ velumie — vychavalnicy dziciačaha sada — pryjšłosia viarnuć skradzienyja hrošy.
