Słužba biaśpieki infarmacyi Čechii (BIS), padvodziačy vyniki svajoj pracy za piać hadoŭ, paviedamiła, što praduchiliła dziejnaść dziasiatkaŭ rasiejskich i kitajskich špijonaŭ, a taksama raskryła sietku adnoj z rasiejskich śpiecsłužbaŭ. Zajava kiraŭnika arhanizacyi Michała Koŭdełki apublikavana na sajcie viedamstva.
«U nas byŭ vyklučna paśpiachovy pieryjad supracoŭnictva z češskimi siłami biaśpieki i zamiežnymi partniorami», — kanstatavaŭ jon. Pa słovach kiraŭnika češskaj śpiecsłužby, za apošnija piać hadoŭ jaho viedamstva praduchiliła i spyniła dziejnaść «dziasiatkaŭ rasijskich i kitajskich supracoŭnikaŭ raźviedki albo rekamiendavaŭšy nie davać im akredytacyju, albo vysłaŭšy ich, vykarystoŭvajučy tak zvany cichi mietad».
U pačatku hetaha hoda BIS zdała spravu ab «paśpiachovym raskryćci raźviedvalnaj sietki adnoj z rasijskich śpiecsłužbaŭ, jakija dziejničali na terytoryi našaj krainy, i całkam paralizavała jaje dziejnaść», paviedamiŭ Koŭdełka, nie raskryvajučy padrabiaznaściaŭ.
U papiarednim dakładzie BIS havaryłasia ab chakierskich napadach z boku Rasii na MZS i Minabarony krainy. «Češskaja Respublika zastajecca metaj dziejańniaŭ Rasiei, jakija źjaŭlajucca častkaj ahulnaj hibrydnaj stratehii, nacelenaj suprać NATO i Jeŭrasajuza», — adznačała češskaja śpiecsłužba.
