Kiraŭnicy pres-słužbaŭ administracyi prezidenta Hruzii, ministerstva abarony i Słužby padatkaŭ źnialisia dla rekłamy rasijskaha majanezu. Fota rekłamy apublikavali ŭ fejsbuku i na sajcie časopisa City, ale paśla chvali krytyčnych kamientaroŭ jaho vydalili.
Akazałasia, što čynoŭnicy prosta nie viedali, što zdymalisia ŭ rekłamie rasijskaha brenda. Jany dumali, što majanez źjaŭlajecca ŭkrainskim. Bolš za toje, jany nie viedali, što heta rekłama. Pieršapačatkova była damoŭlenaść na navahodniuju fotasiesiju.
Kiraŭnicy pres-słužbaŭ hruzinskich dziaržaŭnych viedamstvaŭ śćviardžajuć, što dla ich stała niečakanaściu, kali jany pryjšli i pabačyli, što pavinny ŭdzielničać u rekłamie.
Adnak redaktar časopisa City Eka Chapieryja zajaŭlaje, što čynoŭnicy viedali pra rekłamu majaneza, a brend staŭ sponsaram pieradnavahodniaj rubryki vydańnia.
